Pradstaŭnica Mieksiki Andrea Miesa stała pieramožcaj konkursu pryhažości «Mis Suśviet», jaki prajšoŭ u niadzielu ŭ štacie Fłaryda (ZŠA), piša TASS.
Bryljantavuju karonu 26-hadovaj pieramožcy z horada Čyŭaŭa ŭručała «Mis Suśviet» 2019 hoda, pradstaŭnica PAR Zazibini Tuncy. Treciaje miesca zaniała pradstaŭnica Pieru Janik Masieta, druhoj stała braziljanka Žulija Hama.
Miesa pracuje prahramistam, padtrymlivaje turyzm u štacie Čyŭaŭa, a taksama vystupaje suprać hvałtu pa hiendernaj prykmiecie.
U finalnuju častku cyrymonii paśla konkursu kupalnikaŭ vyjšli 10 kankursantak, paśla pytańniaŭ ad žury kolkaść pretendentak skaraciłasia da piaci. U vyniku za pieramohu zmahalisia pradstaŭnicy piaci krain — Pieru, Daminikanskaj Respubliki, Brazilii, Indyi i Mieksiki, dzie ŭ ich była apošniaja mahčymaść zavajavać zyčlivaść žury z dapamohaj pramovy na prapanavanuju temu. Miesa vykazałasia nakont standartaŭ pryhažości i ich źmieny ź ciaham času.
69-ja cyrymonija konkursu prajšła ŭ hateli i kazino Seminole Hard Rock ŭ horadzie Halivud, budynak jakoha vykanany ŭ formie hitary. Finalistak i pieramožcu adabrała całkam žanočaje žury, u jaho skład uvajšli ŭ tym liku pieramožcy «Mis Suśviet» 1997 i 2006 hoda — amierykanka Bruk Li i puertarykanka Zulejka Ryviera.
