Biehčy treba budzie ŭzdoŭž nabiarežnaj Śvisłačy. Vydača numaroŭ pačniecca ŭ 9 hadzin ranicy, start zabiehu zapłanavany na 11 hadzin.
Čakajecca, što zabieh źbiare na dystancyi kala tysiačy čałaviek. Dla ich padrychtujuć bahatuju interaktyŭnuju prahramu z mnostvam aktyŭnaściaŝ i zabavak, a taksama praviaduć biehavuju raźminku.
Dystancyju zmohuć pieraadoleć darosłyja i padletki ad 14 hadoŭ. Dzieci ad 7 da 13 hadoŭ pry zhodzie baćkoŭ zmohuć prabiehčy karotki maršrut u 420 mietraŭ.
Dla ŭdziełu ŭ zabiehu treba pa 3 červienia prajści rehistracyju ŭ internecie. Pieršyja 200 čałaviek atrymajuć biaspłatnyja futbołki.
Samych chutkich biehunoŭ ŭznaharodziać: pieramožcy i pryziory (pieršyja try miescy) siarod mužčyn i žančyn atrymajuć nie tolki miedali i dypłomy, ale i kaštoŭnyja pryzy ad partnioraŭ marafonu. Udzielniki dziciačaha zabiehu taksama pazmahajucca za pamiatnyja ŭznaharody.
«Zialony marafon» rehularna pravodzicca BPS-Śbierbankam u roznych haradach Biełarusi. Zabieh ŭvasablaje pryncypy ESG - ekałahičnaha, sacyjalnaha i karparatyŭnaha kiravańnia. Što važna, mierapryjemstva dazvalaje ŭciahnuć ludziej u ažyćciaŭleńnie dobrych spraŭ i tym samym rabić uniosak u raźvićcio sacyjalna-adkaznaha hramadstva.
