Vitalik Buteryn
Buteryn pieravioŭ indyjskamu fondu 1,2 miljarda ŭ valucie Shiba Inu. Akramia taho, jon pravioŭ tranzakcyju z Ethereum i kryptavalutaj Dogelon Mars na 336 miljonaŭ dalaraŭ u arhanizacyju Methuselah Foundation, jakaja zajmajecca pytańniami padaŭžeńnia žyćcia pry dapamozie rehienieratyŭnaj miedycyny.
Bolš 13 tysiač Ethereum na 54 miljona dalaraŭ nakiravaŭ arhanizacyi Givewel, jakaja kuryruje dabračynnyja fondy ŭ śviecie.
Miljarder taksama achviaravaŭ kala 441 miljona dalaraŭ u kryptavalucie Akita Inu arhanizacyi Gitcoin, jakaja pracuje z technałohijami Ethereum, raspracoŭščyku štučnaha intelektu Machine Intelligence Research (MIRI), stvaralniku madeli novych haradoŭ Charter Cities Institute.
Paśla ŭsich tranzakcyj Buteryna košt ličbavaj valuty, zhodna Coinbase, za apošnija sutki istotna ŭpaŭ: Shiba Inu — na 36%, Dogelon Mars — na 65%.
Vitalik Buteryn naradziŭsia ŭ 1994 hodzie ŭ rasijskaj Kałomnie, u rańnim dziacinstvie razam z baćkami pierabraŭsia ŭ Kanadu. U 2011 hodzie Buteryn zasnavaŭ časopis Bitcoin Magazine, a ŭ 2015 — zapuściŭ ułasnuju błakčejn-płatformu Ethereum. Pa stanie na maj 27-hadovy prahramist staŭ samym maładym kryptamiljarderam u śviecie, jaho dachod za apošni hod vyras u 25 razoŭ.
