24-hadovaja Kaciaryna zaraz na šostym miesiacy ciažarnaści, i joj treba prymać darahija tabletki ŭ vyznačany čas. A 6-j ranicy 30 krasavika dadomu da Kaciaryny pryjšli supracoŭniki milicyi i zatrymali jaje. Z-za hetaha jana prapuściła pryjom lekaŭ i nie jeła niekalki hadzin. Padstavaj dla zatrymańnia stali śniažynki na aknie, jakija visieli jašče z Novaha hoda. «Pratesnuju simvoliku» na voknach vyjavili supracoŭniki AMAPa jašče 20 krasavika. Da pryjezdu ŭ Frunzienski RUUS dziaŭčynu niekalki hadzin vazili ŭ busie. U vyniku na dziaŭčynu skłali pratakoł pa art. 24.23 KaAP za niesankcyjanavanaje mierapryjemstva, paśla čaho adpuścili dadomu.
Sudździa Frunzienskaha rajona Julija Čyž pacikaviłasia, ci atrymlivała dziaŭčyna dazvoł na pikietavańnie. Kaciaryna ździviłasia, navošta jaho atrymlivać na navahodniaje ŭpryhažeńnie.
U vyniku, sudździa Julija Čyž vyrašyła pakarać Kaciarynu štrafam u pamiery 2900 rubloŭ (100 bazavych vieličyń).
