28 lutaha ŭ zalivie Kiejp-Kod (ZŠA) fatohraf Brajan Skiery i amierykanskija navukoŭcy zaŭvažyli dvuch kitoŭ, jakija pavodzili siabie vielmi dziŭna. Marskija sysuny dakranalisia łastami da bruchaŭ adno adnaho, nibyta sprabujučy abniać.
Navukoŭcy akijanahrafičnaha instytuta ŭ Vuds-Chole (ZŠA), što ŭdzielničali ŭ zapisu videa, nazyvajuć takija pavodziny kitoŭ vielmi redkimi. Mahčyma, heta była sproba žyvioł prademanstravać prychilnaść adzin da adnaho i sparycca. Daśledčyki zrabili hetyja cikavyja kadry z dapamohaj dronaŭ, kali zajmalisia padlikam kitoŭ i vyvučeńniem ich stanu, raspaviadaje Daily Mail.
Varta adznačyć, što žyvioły ŭ videazapisy — heta paŭnočnyja hładkija kity, vid, jakomu zaraz mocna pahražaje źniščeńnie. Va ŭsim śviecie zastałosia mienš za 400 kitoŭ hetaha vidu. Spačatku im pahražaŭ kitabojny promysieł, ale zaraz śmiarotnaść hetych žyvioł pavyšajecca praz upłyŭ ludziej na ekałohiju. U pryvatnaści, niebiaśpieka dla paŭnočnych hładkich kitoŭ sychodzić ad sutyknieńnia z rybałoŭnymi pryładami i sudami roznaha typu.
Toje, što čałaviečaja dziejnaść pavyšaje ŭzrovień šuma ŭ akijanie, taksama prablema. Hety šum moža pieraškadžać kamunikacyi kitoŭ i pavyšać ich uzrovień stresu.
