U Minsku na prypynkach siońnia źjavilisia płakaty z vyjavaj Alaksandra Łukašenki, jaki prynosić prysiahu pad bieł-čyrvona-biełym ściaham.
9 maja sioleta adznačajecca aficyjny dzień ściaha i hierba, jaki tradycyjna adznačajecca ŭ druhuju niadzielu maja.
Alaksandr Łukašenka pryjšoŭ da ŭłady, kali nacyjanalny bieł-čyrvona-bieły ściah i staradaŭni hierb «Pahonia» byli dziaržaŭnymi, ale ad 1995 hoda zamianiŭ BČB na raspracavanyja ŭ savieckaj stylistycy simvały Biełaruskaj Savieckaj Sacyjalistyčnaj Respubliki, tolki bieź siarpa i mołata.
Ad 2020 hoda za nacyjanalnuju simvoliku stali mocna pieraśledavać. Heta pačałasia paśla taho, jak jana stała vykarystoŭvacca na pratestach suprać falsifikacyi vybaraŭ i hvałtu. Za nalepku z «Pahoniaj» na mašynie, za bieła-čyrvona-biełyja ściažynki na bałkonie i navat za bieła-čyrvonyja škarpetki stali karać aryštami na doŭhi termin i vializnymi štrafami. Sudździ i milicyja rezka pačali interpretavać heta jak niesankcyjanavanaje pikietavańnie, choć raniej heta nikoli pikietavańniem nie ličyłasia.
U takim kantekście płakaty z Alaksandram Łukašenkam ujaŭlajuć saboju formu pratestu i aŭtaru taksama moža pahražać pakarańnie.
