Indyjskija miedyki zarehistravali za minułyja 24 hadziny 401 078 novych vypadkaŭ infikavańnia karanavirusam, ahulnaja kolkaść infikavanych za ŭvieś čas skłała 21 892 676. Kolkaść śmiarotnych zychodaŭ uzrasła za sutki na 4187 i dasiahnuła 238 270, piša TASS.
Kolkaść śmierciaŭ, źviazanych z karanavirusnaj infiekcyjaj, upieršyniu ŭ Indyi pieravysiła 4 tys. za 24 hadziny. Papiaredni sutačny antyrekord śmiarotnaści byŭ zafiksavany 6 maja i składaŭ 3980 čałaviek.
Na fonie pandemii mnohija štaty i sajuznyja terytoryi Indyi abjaŭlajuć ab uviadzieńni abmiežavańniaŭ. Najbolš strohija miery dziejničajuć u štatach Macharaštra, Piendžab, Radžastchan, u Nacyjanalnym staličnym akruzie Deli.
Urad štata Macharaštra taksama abviaściŭ, što prystupaje da padrychtoŭki śpiecyjalizavanych centraŭ dla dziaciej pa lačeńni karanavirusnaj infiekcyi. Takoje rašeńnie tłumačycca tym, što ŭ Indyi niama vakcyny, jakoj možna pryvivać dziaciej, adznačajuć miascovyja ŭłady.
Čytajcie taksama: Indyjskija ŭłady ihnaravali papiaredžańni ab niebiaśpiečnaj mutacyi kavidu — Reuters
