Fota pixabay.com
Pierad pačatkam dziejnaści prahrama pad nazvaj Dr Fill prapracavała vialiki masiŭ danych, u tym liku prykłady kryžavanak z adkazami na ich, znojdzienyja ŭ siecivie. Prahramu taksama navučyli chutka vyličvać mahčymaje raźmiaščeńnie słovaŭ u sietcy krasvordu. Paźniej z Hinśbierham źviazalisia supracoŭniki Kalifarnijskaha ŭniviersiteta, jakija prapanavali jamu abjadnać ź jaho prahramaj ich ułasnuju sistemu raspracoŭvańnia padkazak dla krasvordaŭ, raspaviadaje VVS.
Moža padacca dziŭnym toje, što navukoŭcy vučać štučny intelekt pracavać z krasvordami, ale na samaj spravie heta tolki spryjaje jaho raźvićciu. Mašyny dobra dajuć rady zvykłym dla nas typam krasvordaŭ, dzie jość dakładnyja praviły i treba tolki viedać pravilny adkaz. Inšaja sprava — amierykanskija kryžavanki, dzie dakładnaje raźmiaščeńnie adkazaŭ nieviadomaje. Kab ich razhadać, treba nie tolki viedańnie adkazaŭ, ale i ŭmieńnie myślić niestandartna.
Amierykanskaja kryžavanka. Fota flickr.com
Hinśbierh śćviardžaje, što Dr Fill razhadvaje krasvordy zusim nie tak, jak ludzi — prahrama prosta šukaje siarod vialikaj kolkaści infarmacyi ŭsie mahčymyja adkazy na pytańnie. To-bok ludzi i mašyny pa-roznamu padychodziać da rašeńnia zadač, i hetaja raznastajnaść pradviaščaje dobruju budučyniu dla štučnaha intelektu. Dziakujučy hetaj zdolnaści dapaŭniać pracu ludziej, mašyny dapamohuć nam vyrašyć bolš prablem, čym my zdolnyja vyrašyć sami.
