Skrynšot z videa zryvu śpiektakla
U Maskvie pravodzicca daśledčaja pravierka z-za falšyvaha ananimnaha paviedamleńnia ab miniravańni budynka Rasijskaha teatra dakumientalnaj pjesy Teatr.doc, praz što 1 maja daviałosia pierapynić śpiektakl «Susiedzi» ab pratestach u Biełarusi, paviedamiła krynica ŭ pravaachoŭnych orhanach ahienctvu TASS.
«Napiaredadni ŭ 19.58 u dziažurnuju častku adździeła MUS Rasii pa rajonie Zamaskvarečča pastupiła infarmacyja, što budynak teatra na Sadoŭnickaj nabiarežnaj zaminiravany. Na miesca byli nakiravany supracoŭniki palicyi z kinołaham. Padčas pravierki vybuchovaniebiaśpiečnyja pradmiety i vybuchovyja rečyvy vyjaŭlenyja nie byli, infarmacyja pra pahrozu vybuchu apynułasia iłžyvaj», — skazaŭ surazmoŭca ahienctva. Pa jaho słovach, z budynka teatra paśla paviedamleńnia ab miniravańni byli evakujavanyja 55 čałaviek.
Heta ŭžo nie pieršy incydent, źviazany ź dziejnaściu Teatra.doc. Tak, u 2018 hodzie śpiektakl «Katavańni», jaki pavinny byli pakazać u Sankt-Pieciarburhu ŭ dzień horada, 27 maja, byŭ admienieny praź cisk FSB.
