Voś što skazaŭ kiraŭnik techničnaha departamienta ABFF Dźmitryj Kasianok:
«Kali viarnucca da vielmi balučaj parazy ad Bielhii… Kali kazać bolš prafiesijna i detalna, heta byŭ treci matč za šeść dzion. Pierad hetym byli dźvie vielmi składanyja hulni, matč suprać Estonii prachodziŭ na vielmi ciažkim poli. Na žal, u našaj zbornaj nie znajšłosia reziervistaŭ, jakija zmahli b zamianić hulcoŭ asnoŭnaha składu. Bielhijcy ž abnavili skład i ŭ jakaści ničoha nie stracili».
Pierad pajezdkaj u Bielhiju biełarusy praviali ŭ Žodzinie tavaryski matč z Handurasam (1:1), a taksama vyjhrali ŭ zbornaj Estonii (4:2), jakaja pryviezła ŭ Minsk na adboračny matč ČS-2022 druhi skład z-za karanavirusa.
Paśla 0:8, što stali najbujniejšaj parazaj u historyi (da hetaha byŭ rekord 0:5 ad Aŭstryi ŭ 2003-m), padaŭ u adstaŭku hałoŭny trenier Michaił Marchiel. Nastupnyja matčy adboru projduć u vieraśni.
