church.by
List źmiaściła ŭ svaim fejsbuku Volha Sieviaryniec.
Vy zaklikajecie nie dapuścić, kab b-č-b ściah byŭ pryznany ekstremisckim, jaho Vy nazyvajecie «bieł-čyrvona-biełym ściaham Chrysta». Zaŭvažym, što ściah (fłah), hierb i himn źjaŭlajucca simvałami peŭnaj dziaržavy. I ŭ Respubliki Biełaruś jość takija dziaržaŭnyja simvały. Simvałami ž Chrysta źjaŭlajecca Jaho kryž i ikona.
Sapraŭdy, pravasłaŭnyja archirei majuć na svajoj mantyi bieł-čyrvona-biełyja pałoski — «strumiani», jakija słužać napaminam pra Pračystuju kroŭ Spasiciela na biełaj Płaščanicy. Ale dadzienaje spałučeńnie koleraŭ tkaniny stała vykarystoŭvacca, akramia nazvanaha vyšej vypadku, nie z relihijnaj, a z palityčnaj metaj.
Nielha pahadzicca z Vami, što bieł-čyrvona-bieły ściah — «ściah Chrysta». Chrystos, Syn Božy i Syn Čałaviečy, pa-za palitykaj, pryjšoŭ usich vyratavać. Jon nie mieŭ svajho ściaha, jak nie mieŭ i «dzie hałavy prytulić» (Łk. 9:58). Kab b-č-b ściah nie byŭ pryznany ekstremisckim, bačycca dastatkovym nie vykarystoŭvać jaho dla vyražeńnia palityčnych pohladaŭ.
Na inšyja pytańni, jakija Vy ŭźnimajecie, nieadnarazova davalisia adkazy ŭ maich aficyjnych vystupleńniach i intervju. Žadaju Vam i Vašym blizkim z karyściu dla dušy pravieści čas Vialikaha postu! Zachoŭvajcie mir i dabryniu, razvahu ŭ svajoj dušy.
Rośpis, Božaj miłaściu mitrapalit Vienijamin».
