Bolš za 211 tysiač čałaviek u Biełarusi pa stanie na 21 krasavika atrymali pieršuju dozu vakcyny suprać COVID-19, zvyš 75 tysiač prajšli poŭny kurs vakcynacyi, paviedamlaje Ministerstva achovy zdaroŭja.
«Vypadkaŭ uskładnieńniaŭ paśla praviedzienaj vakcynacyi nie ŭstanoŭlena. Prykładna ŭ 10% pryščeplenych rehistrujucca ahulnyja (hrypapadobny sindrom, pavyšeńnie tempieratury cieła, hałaŭny bol i inšyja) i miascovyja (uščylnieńnie, chvaravitaść u miescy ŭviadzieńnia vakcyny) postvakcynalnyja reakcyi ŭ 1-3 sutki paśla praviedzienaj pryščepki», — raspaviali ŭ pres-słužbie.
Dla vakcynacyi prymianiajucca kambinavanaja viektarnaja vakcyna «Ham-KAVID-Vak» (Rasija) i vakcyna suprać SARS-CoV — 2 (Kitaj). Z 16 krasavika vykarystoŭvajecca vakcyna «Ham-KAVID-Vak», vyrablenaja na RUP «Biełmiedpreparaty».
