Siońnia byŭ padpisany ŭkaz № 154, zhodna ź jakim stračvajuć siłu ŭkazy № 240 ad 12 maja 2009 hoda «Ab niekatorych pytańniach u halinie valutnaha rehulavańnia» i №301 ad 31 lipienia 2018 hoda»ab admienie abaviazkovaha prodažu zamiežnaj valuty». Zakanadaŭstva pryvodzicca ŭ adpaviednaść z Zakonam №36 - Z ad 30 červienia 2020 hoda «Ab źmienie zakonaŭ pa pytańniach valutnaha rehulavańnia i valutnaha kantrolu», paviedamlaje pres-słužba kiraŭnika krainy.
Zakonam praduhledžany novyja padychody, jakija admianiajuć isnujučyja abmiežavańni pry praviadzieńni valutnych apieracyj jurydyčnymi i fizasobami. Pry hetym zachavany pałažeńni ab pastupleńni valutnaj vyručki na rachunki bankaŭ Biełarusi ŭ terminy, vyznačanyja ŭ dahavorach, i ab rehistracyi valutnych dahavoraŭ.
Taksama zamacavanaja mahčymaść uviadzieńnia Nacbankam sumiesna z uradam na termin nie bolš adnaho hoda valutnych abmiežavańniaŭ u vypadkach pahrozy ekanamičnaj biaśpiecy Biełarusi i stabilnaści jaje finansavaj sistemy.
Taksama ŭ Zakonie sproščany pracedury, jakija rehulujuć praviadzieńnie valutnych apieracyj, i dla vyklučeńnia roznaha tłumačeńnia kankretyzavany normy valutnaha zakanadaŭstva.
