Ministr zamiežnych spraŭ Uładzimir Makiej sustreŭsia z Nadzvyčajnym i Paŭnamocnym Pasłom Francuzskaj Respubliki ŭ Respublicy Biełaruś Nikala de Łakostam i Nadzvyčajnym i Paŭnamocnym Pasłom Fiederatyŭnaj Respubliki Hiermanija ŭ Respublicy Biełaruś Manfredam Chutereram.
«Padčas sustrečy baki abmierkavali stan biełaruska-jeŭrapiejskich i dvuchbakovych adnosin, a taksama aktualnyja pytańni mižnarodnaha paradku dnia. Uładzimir Makiej prainfarmavaŭ surazmoŭcaŭ ab chodzie kanstytucyjnaha pracesu, jaki adbyvajecca ŭ Biełarusi, a taksama ab inšych pytańniach raźvićcia situacyi ŭnutry krainy. Pradmietna paćvierdžana zachavańnie padychodaŭ i pryncypaŭ, na jakich Biełaruś hatova vybudoŭvać uzajemadziejańnie z zachodnimi partniorami.
U ramkach razmovy paćvierdžanaja ŭzajemnaja zacikaŭlenaść bakoŭ u zachavańni kanałaŭ kamunikacyi, praciahu rabočych kantaktaŭ i padtrymańni dyjałohu», — havorycca ŭ paviedamleńni biełaruskaha MZS.
U sumiesnaj zajavie pasłoŭ Hiermanii i Francyi adznačajecca, što «sustreča prajšła ŭ kanstruktyŭnym rečyščy».
«Pasły vykazali zaniepakojenaść uradaŭ svaich dziaržaŭ z nahody situacyi z pravami čałavieka ŭ Biełarusi i nahadali pra pazicyju ES ab niemahčymaści narmalizacyi adnosin da taho času, pakul nie budzie pakładzieny kaniec siłavym dziejańniam suprać mirnych demanstrantaŭ, pakul nie buduć vyzvalenyja ŭsie palityčnyja źniavolenyja, nie budzie pačaty šyroki ŭsiebakovy palityčny dyjałoh i, jak vynik, praviedzienyja novyja prezidenckija vybary», — havorycca ŭ paviedamleńni.
