Pra heta paviedamiŭ strajkam «Hrodna Azota», jaki atrymaŭ list ad niamieckaj kampanii, piša «Radyjo Svaboda».
Nadalej Helm AG budzie aceńvać mahčymaść supracoŭnictva z hetym haradzienskim pradpryjemstvam tolki paśla pravierki ŭmovaŭ achovy pracy na «Hrodna Azocie», havorycca ŭ liście.
Pavodle strajkama, Helm AG kuplaŭ 10% hadavoha abjomu pradukcyi «Hrodna Azota».
Napiaredadni kamanda Śviatłany Cichanoŭskaj sumiesna z aktyvam strajkama, a taksama ź biełaruskimi dyjasparami nakiravała kampanii Helm AG list.
U liście byli raskazanyja kankretnyja prykłady represij na «Hrodna Azocie» i nazvany imiony bolš jak 40 rabotnikaŭ, jakich aryštoŭvali ci štrafavali za ich pratest. Taksama ŭ liście tłumačyłasia, jak kiraŭnictva zavoda parušaje pravy pracoŭnych na strajk, ciśnie na supracoŭnikaŭ i prymušaje da pracy. Ad kamandy Cichanoŭskaj list padpisaŭ Valeryj Kavaleŭski.
Siamiejnaja kampanija Helm AG maje zvyš za 100 filijałaŭ i pradstaŭnictvaŭ u bolš čym 30 krainach śvietu.
