Pa słovach kitajskaha miedycynskaha čynoŭnika, razhladajecca pytańnie kambinacyi asobnych vakcyn. Hao Fu taksama zaklikaŭ uličyć pieravahi zachodnich vakcyn, stvoranych pa technałohii mRNK, paviedamlaje DW.
Vysokapastaŭleny kitajski čynoŭnik, jaki adkazvaje za miedycynskija pytańni, pryznaŭ, što efiektyŭnaść kitajskich vakcyn ad karanavirusa — nizkaja, i pažadana ich kambinavać, kab pavysić efiekt. Adpaviednuju zajavu kiraŭnik Kitajskaha centra pa kantroli i prafiłaktycy zachvorvańniaŭ Hao Fu zrabiŭ u subotu, 10 krasavika.
Pa słovach kiraŭnika centra, preparaty «nie pakazvajuć vielmi vysokaha ŭzroŭniu abarony».
Jak było ŭstanoŭlena ŭ chodzie kliničnych vyprabavańniaŭ u Brazilii, efiektyŭnaść preparata kitajskaj farmaceŭtyčnaj kampanii Sinovac Biotech Ltd. ad infikavańnia karanavirusam — na ŭzroŭni ŭ 50,4 pracenta. Razam z tym, pavodle samoj kampanii, ciažkaje praciakańnie COVID-19 preparat praduchilaje na 80 adsotkaŭ. Dźvie inšyja vakcyny kitajskaj karparacyi Sinopharm demanstrujuć efiektyŭnaść u 79,3 i 72,5 adsotka. Adpaviedny pakazčyk vakcyny kitajskaha bijafarmaceŭtyčnaha hihanta — CanSino — na ŭzroŭni 65%.
