Fota The Guardian
Chirurhi ŭ Ńju-Jorku praviali pieršuju ŭ śviecie transpłantacyju trachiei. Hetaje dasiahnieńnie ŭ budučyni moža vyratavać žyćcio tysiačam pacyjentaŭ z pryrodžanymi defiektami trachiei, nievylečnymi zachvorvańniami dychalnych šlachoŭ abo puchlinami, piša The Guardian.
Daktary śćviardžajuć, što apieracyi takoha kštałtu mohuć dapamahčy pacyjentam, jakija pierachvareli na kavid, ale ciapier pakutujuć ad paškodžańniaŭ dychalnych šlachoŭ paśla aparataŭ štučnaj vientylacyi lohkich.
56-hadovaja Sonia Sejn 6 hadoŭ mieła prablemy z dychańniem paśla lačeńnia ciažkaj dychavicy, jakaja paškodziła jaje trachieju. Kab vyratavać pacyjentku ad prystupu, daktary skarystalisia dychalnym aparatam, što mocna paškodziŭ jaje trachieju. Niekalki apieracyj pa adnaŭleńni trachiei nie dapamahli. Adnak ciapier jana znoŭ moža svabodna dychać paśla transpłantacyi.
Ekśpierty śćviardžajuć, što pakul rana ličyć transpłantacyju trachiei absalutnym pośpiecham, bo pacyjentka budzie vymušanaja na praciahu niekalkich hadoŭ prymać leki, kab praduchilić uskładnieńni. Tym nie mienš, takaja apieracyja źjaŭlajecca vialikim krokam napierad.
Apieracyja doŭžyłasia 18 hadzin, a ŭdzieł u joj uziali bolš za 50 śpiecyjalistaŭ. Padčas apieracyi daktary vydalili ŭ donara trachieju, a zatym złučyli jaje z kryvianosnymi sasudami recypijenta.
