U paniadziełak, 5 krasavika, u Polšču dastavili 870 tysiač doz vakcyny suprać COVID-19 vytvorčaści Pfizer/BioNTech, paviedamlaje «Polskaje radyjo».
Čarhovyja pastaŭki vakcyn zapłanavanyja na kaniec tydnia — heta buduć preparaty kampanii AstraZeneca.
Na siońnia ŭ Polščy vakcynavana 6 młn 658 tys. 909 čałaviek. Dźvie dozy pryščepki atrymali 2 młn 73 tys. 334 čałavieki.
Zhodna z płanami ŭrada Polščy, da kanca druhoha kvartała buduć pryščeplenyja 20 młn čałaviek, a da kanca žniŭnia — usie achvotnyja.
Vakcynacyja suprać COVID-19 u Polščy pačałasia 27 śniežnia minułaha hoda. U pieršaj čarhovaści pryščepki atrymali miedyki i supracoŭniki słužby achovy zdaroŭja. U Polščy vykarystoŭvajucca preparaty troch kampanij: Pfizer/BioNTech, Moderna i AstraZeneca. Nieŭzabavie źjavicca pryščepka firmy Johnson & Johnson.