3 vieraśnia 54-hadovaha Aleha Buzmakova miascovaja milicyja spyniła na vakzale horada Janaŭ. Mužčyna dastaŭ z patajemnaj kišeni nož i kinuŭsia na apieratyŭnikaŭ. Adzin ź milicyjantaŭ atrymaŭ pranikalnaje ranieńnie brušnaj paražniny, rezanyja rany šyi i hrudziej, jon trapiŭ u reanimacyju, ale vyžyŭ.
Z taho času Buzmakoŭ byŭ pad vartaj. Jaho vinavacili ŭ zamachu na zabojstva i ŭ niezakonnym pierasiačeńni miažy. Vynik — 18 hadoŭ kałonii ŭzmocnienaha režymu i štraf u 1350 rubloŭ.
Prysud jašče nie ŭstupiŭ u zakonnuju siłu i moža być abskardžany.
Cikava, što raniej Buzmakova ŭžo sudzili: jon kidaŭsia z nažom na žanicha svajoj byłoj sužycielki, navat parezaŭ chłopcu ruku i tvar. Ale ž za toje rasijanina navat nie źmiaścili pad vartu: zatrymali, ale adpuścili, jon zastaŭsia na voli, praciahvaŭ pahražać svajoj byłoj. U pačatku 2020 hoda sud pakaraŭ Aleha tolki štrafam u 50 bazavych za naniasieńnie mienš ciažkich cialesnych paškodžańniaŭ i abaviazaŭ vyjechać ź Biełarusi. Toj patrabavańnie praihnaravaŭ, za što byŭ departavany. Praciahvaŭ pahražać byłoj sužycielcy i jaje maci, a nieŭzabavie i viarnuŭsia ŭ Janaŭ — z saboju mieŭ nož, siakieru i čornuju masku. Ale da žančyny nie dajechaŭ — vajaž skončyŭsia napadam na milicyjanta, paśla čaho mužčyna ŭsio ž byŭ zatrymany.
