Havorka idzie pra padziei, kali Namibija była kałonijaj Hiermanii, i centralnyja ŭłady niaredka zabivali miascovych žycharoŭ ci vyhaniali ich u kancłahiery. Bierlin pryznaŭ tyja padziei hienacydam jašče šeść hadoŭ tamu, adnak tak i nie vypłaciŭ kampiensacyi.
Afrykancy ličać, što niamiecki bok pavinien vieści pieramovy nie tolki z uradam, ale i ź lidarami plamionaŭ, jakija ŭžo sprabavali adsudzić hrošy ŭ amierykanskich sudach. Niekatoryja pradstaŭniki namibijskich plamionaŭ ličać, što ŭrad krainy choča «prybrać da ruk» vypłaty kampiensacyj, kab spansiravać svaje prajekty.
Ułady Hiermanii nie kamientujuć situacyju. BBC News nahadvaje, što mahčymyja kampiensacyi Namibii stvorać precedent: nivodnaja z byłych kałanijalnych dziaržaŭ jašče nie ŭstupała ŭ pieramovy z byłoj kałonijaj z nahody padziej stohadovaj daŭniny.
U 1904-1908 hadach, kali terytoryju sučasnaj Namibii zajmała Hiermanskaja Paŭdniova-Zachodniaja Afryka, niamiecki ekśpiedycyjny korpus zadušyŭ paŭstańnie afrykanskich plamionaŭ. Tady jany składali bolšaść nasielnictva krainy. Hiermanskija ŭłady «zahnali» tych, chto vyžyŭ, u pustyniu — tam mnohija pamierli ad hoładu — ci adpravili ŭ kancłahiery. Pavodle acenak historykaŭ, zahinuli ad 65 da 80 tysiač pradstaŭnikoŭ plemia hierera i kala 20 tysiač pradstaŭnikoŭ plemia nama.
