Rasijskaja aktrysa Julija Vysockaja dała intervju prajektu «Skaži Hordiejevoj». U im jana prakamientavała situacyju ŭ Kupałaŭskim teatry. Hladzieć ad 40:19.
Na repliku, što teatr, u jakim kaliści słužyła Vysockaja, syšoŭ u adstaŭku padčas pratestaŭ, aktrysa adznačyła:
— Ja navat nie razumieju, jak mahli zastacca tyja, chto tam zastalisia. Voś hetaha nie razumieju. Toje, što jany syšli, ja ŭ hetym nie sumniavałasia ni siekundy. Kali ja bačyła niadaŭna adnu dziaŭčynu — jana vučyłasia na dva hady starejšaj za mianie — i jana rydała, pryznajučy pamyłku svaich kalehaŭ, jakija syšli, voś heta dla mianie dziŭna. Heta praŭda dziŭna.
— Byvaje strašna kazać usłych svaju pazicyju. Asabliva artystu, — paryravała žurnalist.
— Biezumoŭna. Mnie zdajecca, tady lepš maŭčać. Heta niejak vysakarodniej.
Julija Vysockaja taksama vykazała vializnaje zachapleńnie biełarusami i ich pavodzinami padčas pratestaŭ 2020-ha.
48-hadovaja Julija Vysockaja — viadomaja akciorka. Siarod inšaha, jana źniałasia ŭ filmie «Darahija tavaryšy». Svaju akciorskuju karjeru jana pačała ŭ Teatry imia Janki Kupały.
