Inśpiektary padali kiroŭcu znak spynicca, ale jon jaho praihnaravaŭ, praciahnuŭ ruch i paviarnuŭ na vulicu Bryleŭskuju.
Ekipaž DAI pačaŭ pieraśled. Kala doma №46 kiroŭca nie daŭ rady kiravańniu, źbiŭ darožny znak i ŭrezaŭsia ŭ dreva. Aŭtamabil atrymaŭ miechaničnyja paškodžańni.
Akazałasia, što kiroŭca «Kia» ŭ momant zdareńnia znachodziŭsia ŭ stanie ałkaholnaha apjanieńnia. U vydychanym parušalnikam pavietry było dva pramile ałkaholu.
Ad 1 sakavika stała bolš žorstkim pakarańnie ŭ dačynieńni da niećviarozych kiroŭcaŭ. Ciapier, kali ŭ vydychanym pavietry ad 0,3 da 0,8 pramile ałkaholu, kiroŭcu pahražaje pakarańnie ŭ vyhladzie štrafu ŭ pamiery 100 bazavych vieličyń i pazbaŭleńnie prava kiravańnia terminam na 3 hady. Kali zvyš 0,8 pramile — štraf budzie ŭžo składać 200 bazavych vieličyń z pazbaŭleńniem prava kiravańnia na 5 hadoŭ.
