Uznaharodu ŭ adnoj z hałoŭnych naminacyj premii amierykanskaj Nacyjanalnaj akademii mastactva, navuki i hukazapisu «Hremi» - «Pieśnia hoda» atrymała chip-chop-śpiavačka H.E.R za sinhł I can't breathe. Tranślacyja 63-j štohadovaj cyrymonii prajšła na YouTube.
Kampazicyja adsyłaje da apošnich słoŭ afraamierykanca Džordža Fłojda «Ja nie mahu dychać». U mai 2020 hoda mužčyna pamior u balnicy, paśla taho, jak pry jaho zatrymańni ŭ Minieapalisie palicejskija vykarystoŭvali zadušlivy pryjom. Paśla hetaha ŭ haradach ZŠA i krain Jeŭropy razharnulisia masavyja pratesty pad łozunham Black Lives Matter («Žyćci ciemnaskurych majuć značeńnie»).
Pieśnia była vypuščanaja ŭ červieni 2020 hoda.
U lik najbolš prestyžnych naminacyj «Hremi», jakija farmalna nazyvajucca» Vialikaja čaćviorka«, taksama ŭvachodziać «Najlepšy novy vykanaŭca», «Albom hoda» i «Zapis hoda».
Najlepšym novym vykanaŭcam pavodle viersii «Hremi» stała rep-śpiavačka Miehan Džavon Rut Pit, bolš viadomaja pad psieŭdanimam Megan Thee Stallion. Uznaharodu za najlepšy albom atrymała Tejłar Śvift (Folklore).
