Rašeńnie ab prypynieńni vakcynacyi na 14 dzion pryniata ŭ suviazi z paviedamleńniami ab utvareńni trombaŭ u ludziej, jakija zrabili pryščepku preparatam hetaha vytvorcy.
«My reahujem, kali jość najmienšyja prykmiety mahčymaj ryzyki, źviazanaj z vakcynaj», — havorycca ŭ paviedamleńni viedamstva.
Adnak u paviedamleńni adznačajecca, što rabić vysnovy ab suviazi pamiž uviadzieńniem vakcyny i źjaŭleńniem trombaŭ, pakul nielha.
«Prypynić vakcynacyju [nasielnictva] adnoj z vakcyn — niaprostaje rašeńnie. Ale mienavita tamu, što my vakcynujem vielmi mnohich, nam taksama nieabchodna svoječasova reahavać na paviedamleńni ab mahčymych surjoznych pabočnych efiektach. Nam nieabchodna rastłumačyć situacyju, pierš čym my zmožam praciahnuć prymianieńnie vakcyny ad AstraZeneca» — skazaŭ dyrektar Nacyjanalnaha savieta pa pytańniach achovy zdaroŭja Sieren Brostrem.
