Viaskoviec, jaki rybačyŭ na voziery, źviarnuŭsia da ratavalnikaŭ. Jon paviedamiŭ, što za 200 mietraŭ ad bieraha znachodzicca kazula i nie moža samastojna pierasoŭvacca. Ludzi nie ryzyknuli iści da jaje pa tonkim lodzie.
Ratavalniki vyrašyli nie zastavacca abyjakavymi i adpravilisia na dapamohu.
Imavierna, kazula praviała na ślizkaj ledzianoj pavierchni taŭščynioj kala dvuch santymietraŭ niekalki hadzin. Stomlenaja žyvioła «buksavała» na miescy, padała i znoŭ sprabavała ŭstać.
Načalnik źmieny pažarnaj avaryjna-vyratavalnaj častki №1 Dziatłava Dźmitryj Lancevič, kamandzir adździaleńnia Dzianis Rusin i staršy pažarny Alaksandr Patapaŭ nadzieli hidrakaściumy suchoha typu, zachapili z saboj vyratavalnuju došku, viaroŭku i nakiravalisia da kazuli. Chłopcy aściarožna ŭziali źniasilenuju 40-kiłahramovuju žyviołu i vynieśli na bierah. Trochi adpačyŭšy, žyvioła pabiehła ŭ les.
112.by
112.by
