Animal Welfare Society of Kerr County
Kapitana (takaja mianuška kata) zaŭvažyli dzieci ŭ horadzie Kiervil, štat Techas. Jany adnieśli žyviołu ŭ prytułak dla žyvioł, dzie jaho abśledavaŭ vieterynar Šełbi Ki. Śpiecyjalist znajšoŭ u hadavanca čyp, dziakujučy jakomu znajšlisia kantakty jaho ŭładalnika Butču Majstra, jaki žyvie ŭ horadzie Litł-Rok (štat Arkanzas), piša lenta.ru.
Rabotniki prytułku raspaŭsiudzili historyju Kapitana ŭ sacyjalnych sietkach u nadziei, što ludzi dapamohuć katu i jaho haspadaru ŭźjadnacca. Advieźci hadavanca vyrašyła siamiejnaja para, jakaja płanavała pajezdku ŭ Litł-Rok.
U paniadziełak, 8 sakavika, jany zabrali kata z prytułku i adpravilisia ŭ darohu. Majster sustreŭ siamju Sendzi i svajho hadavanca ŭ aeraporcie Litł-Roka. Jon śćviardžaje, što Kapitan zastaŭsia tym ža «miłym kacianiom», niahledziačy na šmathadovyja tulańni pa vulicach.
