Litoŭskija mytniki ŭ punkcie propusku Rajhardas (Pryvałka) vyjavili ŭ biełaruskaj fury 640 skryń kantrabandnych cyharet na sumu bolš za miljon jeŭra. Tytuniovyja vyraby byli schavanyja siarod došak, paviedamlaje Delfi.lt.
Fota: Delfi.lt
Kantrabandu litoŭskija pamiežniki vyjavili ŭ pačatku hetaha tydnia. U fury, jakoj kiravaŭ kiroŭca-biełarus, pa dakumientach znachodziłasia 22 tony došak.
Na prapuskny punkt Pryvałka-Rajhardas mašyna pryjechała ŭnačy. Vielikahruz vyklikaŭ padazreńni ŭ litoŭskich mytnikaŭ: draŭninu časta vykarystoŭvajuć dla maskiroŭki kantrabandy. Taksama padazronym padaŭsia i maršrut hruzu: doški vieźli tranzitam praź Litvu ŭ Estoniju.
Było vyrašana pravieryć hruz z dapamohaj renthiena, ale ŭ Rajhardasie takoj mahčymaści niama, tamu furu z achovaj adpravili ŭ Miedzininkaj.
Pravierka paćvierdziła padazreńni: vyśvietliłasia, što doški — heta tolki prykryćcio. Unutry paŭpryčepa byli schovanki, dzie znachodziłasia 320 tysiač pačkaŭ biełaruskich cyharet marak Fest, NZ i Minsk. Ahulnaja suma kantrabandy — 1,14 miljona jeŭra.
Pa dadzienym fakcie raspačata rasśledavańnie. Hruz i fura zatrymanyja, kiroŭcu na miesiac uziali pad aryšt.
