U kłuby mohuć ustupić usie achvotnyja. Kožny ŭdzielnik atrymlivaje pryvilei pry vykanańni ŭmovaŭ: najaŭnaść karty łajalnaści i pakupki u sietcy Green minimum na 300 rubloŭ, u tym liku jak minimum adzin tavar z tematyčnaj katehoryi — dla dziaciej abo chatnich žyvioł.
Dziciačy kłub daje źnižki, u tym liku 40% na pampiersy i dziciačaje charčavańnie. Jość i 10-pracentny kešbek na bonusnuju kartu pry nabyćci cacak, adzieńnia dla dziaciej, kanctavaraŭ i tavaraŭ pa dohladzie za niemaŭlatami. Da dnia naradžeńnia dziciaci ŭsio picy i tarty buduć na čverć tańniejšyja, a cacki i knižki — na 30%.
U dziciačym kłubie buduć rehularna razyhryvać siertyfikaty na naviedvańnie dziciačych centraŭ, zaprašać na siamiejnyja fotasiesii, tvorčyja majsterni i hurtki. Praduhledžanyja i aktyŭnaści ad partnioraŭ.
U svaju čarhu kłub amataraŭ žyvioł prapanuje źnižki ŭ 35% na tavary dla hadavancaŭ. Kešbek ŭ 10% dziejničaje na napaŭnialniki, łatki, cacki i aksesuary, a ŭ mabilnym dadatku možna znajści piersanalnyja kupony na tavary dla chatnich žyvioł. Taksama možna vyjhrać siertyfikaty na abśledavańnie ŭ vietklinicy abo fotasiesiju ź lubimym hadavancam. A jašče - padarunkavyja łatki pry kupli kormu i roznyja aksesuary.
Dla ŭstupu ŭ dziciačy kłub nieabchodna padać zajaŭku na sajcie rytejlera. Hetak ža prymajuć u kłub amataraŭ žyvioł. Paćviardžeńnie prychodzić ciaham sutak, a adsočvać bonusy i svoj status možna ŭ asabistym kabiniecie.
