Jeŭrapiejski charyus, jakoha pa-biełarusku nazyvali «lipień». Fota Depositphotos.com
Dabrabyt miljonaŭ ludziej zaležyć ad presnavodnaj ryby. Dla ich heta častka racyjonu, a taksama mahčymaść zarabić na handli.
Adnak praz takija niehatyŭnyja faktary, jak zabrudžvańnie, brakańjerstva, asušeńnie i pierakryćcio dambami rek i bałatoŭ, kolkaść presnavodnaj ryby rezka skaraciłasia. Pra heta stała viadoma z dakłada The World's Forgotten Fishes, padrychtavanaha 16 mižnarodnymi pryrodaachoŭnymi arhanizacyjami, paviedamlaje VVS.
Pa źviestkach Suśvietnaha fondu dzikaj pryrody (WWF), što ŭziaŭ udzieł u padrychtoŭcy dakłada, šmat u čym vymirańnie źviazanaje z drennym stanam rek, u asnoŭnym praz zabrudžvańnie, najaŭnaść dambaŭ i kanalizacyjnych stokaŭ.
Jak paviedamlajecca ŭ dakładzie, za apošnija 50 hadoŭ kolkaść ryby tych vidaŭ, što mihrujuć pamiž miescami nierastu i zimoŭki, skaraciłasia na try čverci. Za hety ž pieryjad papulacyi bujnych vidaŭ ryb skaracilisia ažno na 94%. Letaś kitajskaha viesłanosa, najbujniejšuju presnavodnuju rybu ŭ śviecie, pryznali vymierłaj.
Što datyčyć Biełarusi, pad pahrozaj źniknieńnia znachodziacca bolš za 10 vidaŭ ryb, siarod jakich čačuha (ścierladź), lipień (jeŭrapiejski charyus), zvyčajny vusač, rybiec dy inšyja.
Čačuha (ścierladź). Fota Depositphotos.com
Suśvietny fond dzikaj pryrody zaklikaje pačać pracu nad adradžeńniem presnavodnych miescaŭ pražyvańnia žyvioł. Ekołahi miarkujuć, što šlach da hetaha — naležnaje ŭzmacnieńnie isnujučych zakonaŭ razam z uviadzieńniem bolš žorstkich normaŭ u dačynieńni da brakańjeraŭ.
