Ciapier inšaziemiec, što choča atrymać polskuju vizu, pavinien dačakacca sustrečy ŭ konsulstvie. Časam na heta sychodziać tydni ci navat miesiacy. Vydača nacyjanalnych viz ministram zamiežnych spraŭ budzie chutčejšaj. Heta stanie mahčymym dziakujučy papraŭkam u zakon ab inšaziemcach, jakija ŭstupili ŭ siłu 9 lutaha. Słužbovyja asoby ŭ Varšavie buduć mieć tyja ž instrumienty dla pryniaćcia rašeńniaŭ ab vydačy vizy, što i konsuły, kab zrabić praces maksimalna efiektyŭnym. Heta tyčycca jak turystyčnych, tak i pracoŭnych viz.
Ad novaha rašeńnia vyjhrajuć u asnoŭnym polskija pracadaŭcy. Biełaruś stanie pieršaj krainaj, žychary jakoj zmohuć skarystacca hetaj novaj praceduraj.