Fota Depositphotos.com
Hetaje daśledavańnie taksama dało bolš źviestak nakont vierahodnych simptomaŭ u infikavanych. 26% mieli kašal, 28% — mocna tempieraturyli, a 43% śćviardžajuć, što nie adčuvali smaku abo pachaŭ. U 40% nie było nivodnaha z hetych simptomaŭ, a 20% uvohule nie mieli nijakich prykmietaŭ infiekcyi, piša BBC.
Brytanski Bijabank — heta baza źviestak raznastajnych analizaŭ, dobraachvotna pradastaŭlenymi ludźmi, kab dapamahčy hłabalnym miedycynskim daśledavańniam. Kala 20 000 čałaviek zdavali ŭzory kryvi ŭ Bijabank štomiesiac z 27 maja da 4 śniežnia 2020 hoda. Na praciahu hetaha pieryjadu 1699 ź ich davali stanoŭčy vynik na antycieły suprać kavidu, što śviedčyć pra pieraniesienuju infiekcyju.
Bolšaść ź ich pakazali stanoŭčy vynik užo ŭ pieršy miesiac daśledavańnia, što kaža pra zaražeńnie jašče padčas pieršaj chvali. Pry kancy daśledavańnia, praz 6 miesiacaŭ, 88% ludziej usio tak ža mieli antycieły. I całkam mahčyma, pa mierkavańni daśledčykaŭ, što astatnija 12%, čyje testy na antycieły prajšli ad stanoŭčaha da admoŭnaha vyniku za 6 miesiacaŭ, usio roŭna zachavali peŭnuju abaronu ad kavidu, choć kolkaść antyciełaŭ apuściłasia nižej za paroh.
Hałoŭny navukovy supracoŭnik brytanskaha Bijabanka Naomi Alen śćviardžaje: «Choć my i nie možam być dakładna ŭpeŭnienymi, jak najaŭnaść antycieł suadnosicca ź imunitetam, vyniki daśledavańnia pakazvajuć, što ludzi, u svajoj bolšaści, abaronienyja ad nastupnaj infiekcyi prynamsi na praciahu 6 miesiacaŭ paśla zaražeńnia».
