Vysnovy, ab jakich paviedamlajecca ŭ pres-relizie, raskryty ŭ aŭtarytetnym miedycynskim časopisie Lancet.
U teściravańni vakcyny ŭziali ŭdzieł 19 866 čałaviek, jakija atrymali pieršuju i druhuju dozy preparatu abo płaceba. Da kanca daśledavańnia byli zafiksavanyja 78 vypadkaŭ zachvorvańnia na COVID-19. Dla ludziej, starejšych za 60 hadoŭ, efiektyŭnaść «Spadarožnika V» skłała 91,8%, što statystyčna nie adroźnivałasia ad danych, atrymanych u hrupie dobraachvotnikaŭ ad 18 da 60 hadoŭ.
Adznačajecca, što vakcyna zabiaśpiečvaje poŭnuju abaronu suprać ciažkich vypadkaŭ zachvorvańnia na karanavirusnuju infiekcyju. Ciažkaja forma COVID-19 raźviłasia tolki ŭ 20 čałaviek, jakija atrymlivali płaceba. U 98% paddoślednych vypracavaŭsia humaralny imunitet, a ŭ 100 pracentaŭ — kletkavy imunitet. Pry hetym uzrovień antyciełaŭ u tych, chto pryščapiŭsia, vyšejšy, čym u tych, chto pierachvareŭ.
Bolšaść pabočnych efiektaŭ naziralisia ŭ lohkaj formie i vyznačalisia ahulnym niezdaroŭjem, hałaŭnym bolem, nievysokaj tempieraturaj i reakcyjaj u miescy ŭviadzieńnia preparatu. Adsutničajuć mocnyja alerhičnyja reakcyi, uklučajučy anafiłaktyčny šok.
