Alaksandr Łukašenka 1 lutaha padpisaŭ ukaz №37, jakim karektujecca ŭkaz №493 ad 16 kastryčnika 2014 hoda «Ab raźvićci bieznajaŭnych raźlikaŭ».
Dakumientam praduhledžany dźvie asnoŭnyja źmieny.
Pieršaja tyčycca hraničnaha pamieru płaciažu (sumy płaciažoŭ u sukupnaści) najaŭnymi hrašovymi srodkami za tavary (raboty, pasłuhi), jakija realizujucca jurydyčnymi asobami i indyvidualnymi pradprymalnikami fizičnym asobam u ramkach adnoj ździełki. Hety pamier źnižany z 1 tysiačy bazavych vieličyń da 500 bazavych vieličyń (abo ŭ pieraliku z 29 tysiač da 14,5 tysiačy). Adpaviednaja norma ŭstupić u siłu praz try miesiacy paśla aficyjnaha apublikavańnia ŭkaza.
Druhoje źmianieńnie adnosicca da śfiery padatkaabkładańnia. Dachody fizičnych asob, vypłačanyja bankami Biełarusi ŭ vyhladzie pracentaŭ ad sumy apłaty tavaraŭ (rabot, pasłuh) pry vykarystańni kartak, sistem dystancyjnaha bankaŭskaha absłuhoŭvańnia, nie pryznajucca abjektam padatkaabkładańnia, ale tolki kali hetyja dachody nie pieravyšajuć 2% ad sumy takoj apłaty. Dadzienaja norma raspaŭsiudžvajecca na adnosiny, jakija ŭźnikli z 1 studzienia 2021 hoda, i budzie dziejničać da 1 studzienia 2026 hoda.
Takim čynam, padaŭžajecca lhota pa vypłacie padachodnaha padatku z kešbeka (ci, jak jaho jašče nazyvajuć, manibeka), ustanoŭlenaja raniej ukazam №493 «Ab raźvićci bieznajaŭnych raźlikaŭ».
