Čytačy «Našaj Nivy» paviedamili, što siońnia ŭ Lidskim sudzie zatrymany kala vaśmi čałaviek, jakija pryjšli padtrymać lidskaha elektramanciora Ivana Kaśpiaroviča (jon vioŭ telehram-kanał «Lida — doška hańby»).
Dakładnaja pryčyna zatrymańniaŭ nieviadomaja.
Adzin sa śviedkaŭ paśpieŭ paviedamić, što zatrymańnie nibyta źviazanaje z emacyjnaj reakcyjaj ludziej na prysud Vitoldu Ašurku — u tym ža sudzie 18 studzienia sudździa Maksim Fiłataŭ prysudziŭ Ašurku 5 hadoŭ kałonii. Ludzi pačali kryčać Fiłatavu «Hańba!» i padtrymlivać Ašurka.
Čytajcie: Aktyvist ź Lidskaha rajona Vitold Ašurak asudžany na 5 hadoŭ kałonii
Abviaščeńnie prysudu Ašurku
Ci tak heta? Nieviadoma.
Pradstaŭnik MUS pa Hrodzienskaj vobłaści Jaŭhien Dudko nie adkazaŭ «Našaj Nivie» ničoha kankretnaha.
«Tak, ludzi dastaŭleny ŭ RAUS dla praviadzieńnia pravierki ŭ ramkach Administratyŭnaha kodeksa, za što kankretna, pakul skazać nie mahu, kolki čałaviek zatrymana, taksama skazać nie mahu — kahości paśla razmovy ŭžo adpuścili», — skazaŭ Dudko.
