Juryj Vaskrasienski ŭ efiry STB raspavioŭ padrabiaznaści «kruhłaha stała», kali Łukašenka pryjechaŭ da palityčnych źniavolenych, u tym liku Viktara Babaryki. Vaskrasienski raspavioŭ ab umovach, jakija nibyta pastavili Babaryku dla vyzvaleńnia.
«Viktar spytaŭ: «Dyk a što sa mnoj?» Alaksandra Ryhoraviča, prezident skazaŭ: «Z taboj usio prosta. Ja nie chaču, kab ty siadzieŭ, tamu viarni hrošy skradzienyja i nie budzieš siadzieć». Na što Viktar Dźmitryjevič kaža, što: «U vas infarmacyja nie adpaviadaje rečaisnaści, ja ničoha nie prysvojvaŭ». Na što prezident skazaŭ: «Nu, tady budzie adkryty sud, i ŭsie ŭbačać, chto što prysvojvaŭ». Kali heta možna nazvać umovami, mahčyma, heta ŭmovy nastupnaha pamiłavańnia ŭ vypadku, kali vina taho ci inšaha čałavieka budzie dakazanaja.
Hety momant cikavy byŭ, tamu što z boku kalehaŭ z KS, z apazicyi hučała, maŭlaŭ, niejkija vystaŭlenyja ŭmovy. Tam takija vialikija fihury, što jany byli cikavyja i ŭłada ich bajałasia, tamu prapanoŭvała ŭmovy. Nie, prezident pryjšoŭ pa-čałaviečy prosta paznajomicca sa svaimi apanientami», — skazaŭ Vaskrasienski.
