Pa videa, jakoje źniata ŭ RUUS Minska 12 žniŭnia i apublikavana BYPOL, Ministerstva ŭnutranych spraŭ pravodzić pravierku. Pra heta žurnalistam paviedamiŭ pieršy namieśnik ministra ŭnutranych spraŭ Juryj Nazaranka, piša tut.by.
Nahadajem, inicyjatyva BYPOL apublikavała na YouTube videa z kadrami taho, što adbyvajecca ŭ Frunzienskim RUUS Minska 12 žniŭnia. U pamiaškańni, padobnym da sportzała, znachodzicca šmat ludziej, niekatoryja lažać na padłozie, niechta siadzić na kaleniach abo staić uzdoŭž ściany, z rukami za śpinaj. Padčas dopytu adnaho ź ich bjuć pad dychała i pa nyrkach paśla taho, jak jon marudzić z adkazam. Na zadnim płanie taksama vidać, jak čałavieka na padłozie bjuć dubinkaj.
U MUS zajavili, što viedajuć pra heta videa.
— Pa hetym pytańni, što byŭ videazapis, dzie supracoŭniki milicyi Frunzienskaha RUUS abychodziacca z zatrymanymi nie vielmi dobra, pravodzicca pravierka. Ministram zadača pastaŭlena. Pa vynikach pravierki buduć zroblenyja peŭnyja vysnovy, — zajaviŭ Juryj Nazaranka.
