58-hadovaja žančyna kala kramy źviarnuła ŭvahu na mužčynu ŭ invalidnym vazku, jaki prasiŭ miłaścinu. Žančyna pakłała hrošy ŭ skrynku i pajšła dalej, adnak mužčyna źviarnuŭsia da jaje, paviedamlaje pres-słužba MUS.
Razhavarylisia, mužčyna raspavioŭ, što ŭ žančyny prablemy sa zdaroŭjem i zajaviŭ, što jaje suročyli. Jon prapanaŭ vylečyć žančynu praz rytuał.
U vyniku jana zaprasiła jaho dadomu. Mužčyna paprasiŭ pakłaści załatyja vyraby na stoł dla paśpiachovaha chodu rytuału, što žančyna i zrabiła. Atrymaŭšy 50 rubloŭ, hość paprasiŭ haspadyniu advieźci jaho nazad da kramy.
Kali ŭviečary jana viarnułasia dadomu, to pabačyła, što dva załatyja piarścionki (koštam 500 rubloŭ) źnikli. Žančyna źviarnułasia ŭ milicyju.
Milicyja chutka zatrymała «ekstrasensa». Heta byŭ 40-hadovy žychar Hrodzienskaj vobłaści, jaki pryjechaŭ u hości da siastry i ŭ volny čas «padpracoŭvaŭ», prosiačy miłaścinu la handlovych abjektaŭ.
