vyvoz.org
Jak zaścierahčysia ad traŭmaŭ padčas niespryjalnaha nadvorja, raskazaŭ «Źviaździe» zahadčyk chirurhičnaha adździaleńnia 11-j haradskoj palikliniki Minska Mirasłaŭ Dźjołah.
— Pa mahčymaści starajciesia nie vychodzić z domu, asabliva — u ciomny čas sutak. Heta samaja dziejsnaja zaściaroha ad traŭmaŭ. Kali ŭsio ž taki prychodzicca vyjści, najpierš źviarnicie ŭvahu na abutak.
Jon musić być zručny i ŭstojlivy. Lepš za ŭsio nadzieć zimovyja boty na płatformie abo ź miakkaj ryflenaj padešvaj. Paźbiahajcie abutku na špilkach i vysokich abcasach.
Pierasoŭvacca pa hałalodzie nieabchodna vielmi aściarožna. Lepš abychodzić abledzianiełyja miescy. Chadzicie nie śpiašajučysia, na napaŭsahnutych nahach. Ruki ni ŭ jakim razie nielha trymać u kišeniach — inakš pavyšajecca vierahodnaść atrymańnia ciažkich traŭmaŭ.
Nie nasicie ciažkija sumki, asabliva z doŭhimi ručkami, bo centr ciažaru źmiaščajecca. Pry hetym stajać abo ruchacca pa abledzianiełaj pavierchni našmat składaniej. Pry padzieńni ratavać treba nie majomaść, a siabie — sumki i inšyja pradmiety treba vypuścić z ruk i hrupavacca ŭsimi kaniečnaściami.
Pažyłym ludziam u hałalod varta brać z saboj pałku z humovym nakaniečnikam. A ciažarnym žančynam nie varta vychodzić na vulicu biez supravadžeńnia.
Padčas hałalodu trymajciesia dalej ad prajeznaj častki i ni ŭ jakim razie nie pierabiahajcie jaje. Tarmazny šlach u aŭtamabilaŭ u hety čas značna pavialičvajecca. Na prypynku stojcie dalej ad kraju darohi, kab nie paśliznucca i nie trapić pad koły aŭtobusa abo tralejbusa.
Nasamreč zaścierahčysia ad padzieńniaŭ možna tolki adnym sposabam — być jak maha bolš uvažlivymi. Kali vy ŭsio ž taki ŭpali i praź niejki čas adčuli bol, źjavilisia acioki — terminova źviarniciesia ŭ traŭmapunkt.
Kali vy adčuvajecie, što paśla padzieńnia nie možacie padniacca na nohi, nieabchodna patelefanavać u słužbu 103. Kali vy nie možacie zrabić heta sami — paprasicie dapamohi ŭ tych, chto pobač.
Zvarot u traŭmatałahičny punkt abo «chutkuju» źjaŭlajecca abaviazkovym. Abyścisia biez dapamohi doktara možna tolki ŭ vypadku lohkaha ŭdaru: prosta prykładzicie da vyciataha miesca što-niebudź chałodnaje — heta pamienšyć aciok i bol, i apracujcie maźziu abo hielem, jaki rassmoktvaje siniaki (naprykład, hieparyn-hiel, troksavazoł). Hreć balučaje miesca nielha, efiekt budzie supraćlehły.
Navat pry najaŭnaści ŭłasnaha aŭtatranspartu ci hrošaj na taksi nie treba jeździć pa klinikach samastojna.
Tym bolš — jechać u pieršuju balnicu, jakaja trapiłasia. Miedycynskaja dapamoha akazvajecca pa terytaryjalnym pryncypie: heta zaležyć nie tolki ad rajona, dzie vy prapisanyja, ale i ad miesca, dzie vy atrymali traŭmu, ad jaje charaktaru, a taksama zahružanaści miedustanoŭ pacyjentami ŭ sapraŭdny momant. Śpiecyjalisty słužby 103 vałodajuć situacyjaj u režymie realnaha času i lepš viedajuć, u jakuju miedustanovu vas nakiravać, kab dapamoha była akazana maksimalna chutka, a ŭ samich balnicach i traŭmapunktach pry hetym nie ŭtvaralisia zatory.
