Na sajcie BDMU ŭ adkrytym dostupie apublikavali kurs lekcyj pa karanavirusnaj infiekcyi. Voś parady pa apracoŭcy praduktaŭ, jakija ŭ adnoj ź ich — pryśviečanaj charčavańniu pacyjentaŭ z COVID-19 — daje zahadčyca kafiedry ahulnaj hihijeny, kandydat miedycynskich navuk, dacent Natalla Bacukova, piša Tut.by.
Fota Nadziei Bužan
Jak tłumačyć ekśpiert, paśla kramy treba staranna pamyć ruki, pradezinfikavać ŭnutranuju pavierchniu sumak, chaładzilnika. Na pavierchniu spažyvieckaj ŭpakoŭki (kali jana biez paškodžańniaŭ) možna raspylać śpirtźmiaščalnyja srodki abo jaje možna pracirać survetkami, pramočanymi takimi rastvorami.
Apracoŭku sadaviny i aharodniny treba pravodzić vymytymi rukami albo ŭ adnarazovych palčatkach, pramyvać ich varta pratočnaj vadoj i absušvać papiarovym ručnikom.
Kali ŭ pładoŭ marščynistaja pavierchnia, to paśla myćcia ich rekamiendujecca začyščać ad skurki, apałoskvać pratočnaj vadoj, absušvać pierad užyvańniem abo padrychtoŭkaj.
Suchafrukty dadatkova varta ablić kipieniem. Jahady i zielaninu pierad pramyvańniem varta karotkačasova zamačyć u vadzie dla vydaleńnia čaścic ziamli i piasku.
