U Pinskim rajonie pažar u zakaźniku pahražaŭ pierakinucca na aŭtentyčnuju viosku Kudryčy — ratavalniki čatyry hadziny zmahalisia z ahniom, paviedamlaje BiełTA.
Paviedamleńnie pra pažar pastupiła 8 śniežnia ŭ 18.56. Na adlehłaści kala 1 km na ŭschod ad Kudryčaŭ zahareŭsia zakaźnik «Siaredniaja Prypiać». Pažar išoŭ u bok vioski: hareła suchaja raślinnaść na bierahavoj linii ŭ pojmie Jasieldy.
Na miesca zdareńnia apieratyŭna vyjechali pažarnyja raźliki. Było zadziejničana piać adzinak techniki i 19 čałaviek rajadździeła pa nadzvyčajnych situacyjach.
U 22.45 pažar patušyli, jaho płošča skłała 1,5 ha.
Pryčyna ŭzharańnia vyśviatlajecca. Adnoj ź viersij razhladajuć čałaviečy faktar.
Kudryčy ŭpieršyniu zhadvajucca ŭ 1555 hodzie. Raźmieščanaja siarod bałot za 30 km ad Pinska vioska ličycca ŭzoram tradycyjnaj paleskaj astraŭnoj płaniroŭki pasielišča. Dla jaje charakternyja strechi z čarotu.
Čytajcie pra viosku tut:
Kudryčy: kaniec lehiendy? Jak siońnia vyhladaje vioska, jakuju nazvali samym aŭtentyčnym kutkom Paleśsia
Paleśsie, jakoha chutka nie stanie: Kudryčy
