Salihorski «Šachcior» — sioletni čempijon Biełarusi pa futbole.
U apošnim tury vyšejšaj lihi razharnuŭsia sapraŭdny tryler. Salihorski kłub u druhi raz u historyi staŭ čempijonam Biełarusi (pieršy tryumf kłuba adbyŭsia ŭ dalokim 2005-m). U kancy matču «Šachcior» vyrvaŭ pieramohu ŭ hulni z «Minskam» (4:2).
U paralelnym matčy BATE i minskaje «Dynama» vydali panyłuju biezhalavuju ničyju. Takim čynam, u «Šachciora» na adzin bał bolš u turnirnaj tablicy, čym u barysaŭskaha kłuba.
Treciaje miesca — u žodzinskaha «Tarpieda-BiełAZ». Kamanda Juryja Puntusa pieramahła ŭ Viciebsku (3:2), u paralelnym matčy «Nioman» prajhraŭ bresckamu «Dynama» i ŭpuściŭ treci radok.
0
0
0
0
0
0
