Niekalki miesiacaŭ tamu šmatdzietnaha baćku z Bresta Ramana Rašeckaha asudzili na 15 sutak aryštu za ŭdzieł u akcyi pratestu. Kali paśla vyzvaleńnia jon pryjšoŭ u RAUS, kab zabrać kanfiskavany BČB-ściah, jaho znoŭ začynili na troje sutak da suda: maŭlaŭ, patrabujučy ściah, jon «nazojliva čaplaŭsia da supracoŭnikaŭ milicyi». Tady sud adpraviŭ spravu na dapracoŭku, a niekalki dzion tamu Ramanu pryjšoŭ list: vytvorčaść pa spravie ab administracyjnym pravaparušeńni spyniena ŭ suviazi z zakančeńniem terminaŭ nakładańnia administracyjnaha spahnańnia. Ściah pakul što zastajecca ŭ milicyi, paviedamlaje Bresckaja hazieta.
A ranicaj 27 listapada Raman Rašecki pa poźvie chadziŭ u administracyju Leninskaha rajona, kudy jaho vyklikali ŭ suviazi z tym, što na zašklonych łodžyjach u jaho kvatery na vulicy Dubroŭskaj visiać BČB-ściahi. Pa słovach Rašeckaha, supracoŭniki milicyi skłali na jaho pratakoły. U rajvykankamie ŭ jaho prasili źniać pałotny, ale bieraściejec adkazaŭ kateharyčnaj admovaj.
«Ja im skazaŭ: možacie mianie choć na 100 sutak upiačy — ja nie zdymu. Heta maja kvatera, pryvatyzavanaja, BČB-ściahi zakonam nie zabaronienyja. Zaraz, moža, milicyja budzie dyktavać, jakija štory, ciuli viešać?» — prakamientavaŭ situacyju Rašecki.
Pavodle jaho słoŭ, pravierka ŭ dačynieńni da jaho spyniena.
