26 listapada ŭ Breście sudzili 63-hadovuju Alenu Hnaŭk. Jaje abvinavačvali va ŭdziele ŭ niesankcyjanavanaj akcyi pamiaci zahinułaha minčuka Ramana Bandarenki, paviedamlaje Tut.by.
Sud pryznaŭ jaje vinavataj pa č.3 art. 23.34 KaAP i pryznačyŭ 50 bazavych vieličyń štrafu (1350 rubloŭ).
Alenu Hnaŭk zatrymali 14 listapada. U toj dzień jana naviedała kaścioł na vulicy Lenina, dzie arhanizavali narodny miemaryjał Ramanu Bandarenku, a zatym pajšła pa vulicy Puškinskaj u napramku Savieckaj. Jaje zatrymali kala kinateatra «Mir».
Alenu Piatroŭnu nieadnarazova sudzili za ŭdzieł u akcyjach pratestu. Ahułam jana praviała bolš za 20 sutak u izalatary i atrymała štrafaŭ na sumu kala 1300 dalaraŭ. Akramia taho Alena Hnaŭk źjaŭlajecca fihurantam kryminalnaj spravy pa artykule 342 (za arhanizacyju i padrychtoŭku dziejańniaŭ, što hruba parušajuć hramadski paradak, albo aktyŭny ŭdzieł u ich).