BiełTA
Pra heta Alaksandr Łukašenka zajaviŭ na sustrečy ź ministram zamiežnych spraŭ Rasii Siarhiejem Łaŭrovym, piša BiełTA.
«Što tyčycca biełaruska-rasijskich adnosin, to nam treba, moža być, nie ab niejkaj pierazahruzcy kazać, ale ab uzmacnieńni, intensifikacyi našych adnosin. Tezis absalutna naprošvajecca. Nie prosta tezis, a praktyka. Ja chaču, kab vy razumieli i viedali, što my da hetaha hatovyja. My chacieli b mieć nie prosta dobrasusiedskija adnosiny, my b chacieli mieć braterskija adnosiny z Rasijskaj Fiederacyjaj. Ja ničoha novaha nie skazaŭ, prosta, słuchajučy mianie, nie zaŭsiody chacieli padkreślivać i paŭtarać. Asabliva ŭ Rasii. Ale čas pakazaŭ, što nam nikudy nie dziecca ad asabliva ciesnych i siabroŭskich adnosin», — skazaŭ Łukašenka.
«Našy sustrečy zaŭsiody praduktyŭnyja, z majho punktu hledžańnia, prynamsi dla mianie asabliva i dla Biełarusi, dla našaj pierš za ŭsio źniešniaj palityki, bo jość mahčymaść, jak vy časta kažacie, źvieryć hadzińniki, i my hetym karystajemsia», — skazaŭ Łukašenka.
«Pierš za ŭsio pryvitańnie vam ad Uładzimira Uładzimiraviča [Pucina]. Jon paćvierdziŭ usio, pra što vy damovilisia ź im raniej, asabliva ŭ Sočy. U nas całkam supadaje zacikaŭlenaść va ŭmacavańni adnosin. Možna pa-roznamu nazyvać, ale ŭ nas taja ž samaja meta: prasoŭvacca da ŭzajemnaj vyhady našych narodaŭ, krain i Sajuznaj dziaržavy», — padkreśliŭ Siarhiej Łaŭroŭ.
