Pasłu Ukrainy ŭ Minsku Iharu Kizimu ŭručanaja nota pratestu ŭ suviazi ź sieryjaj «antybiełaruskich akcyj» u dačynieńni da pasolstva ŭ Kijevie, paviedamlaje TASS sa spasyłkaj na MZS Biełarusi.
Minsk vykazaŭ «rašučy pratest u suviazi ź bieśpierapynnaj sieryjaj antybiełaruskich akcyj u dačynieńni da pasolstva Biełarusi va Ukrainie» i zapatrabavaŭ «harantavać na naležnym uzroŭni biaśpieku dypłamatyčnaj misii ŭ adpaviednaści z normami Vienskaj kanviencyi ab dypłamatyčnych znosinach ad 18 krasavika 1961 hoda», paviedamiŭ MZS.
Raniej aktyvisty ŭ Kijevie ŭstalavali nasuprać uvachodu ŭ pasolstva Biełarusi kryž u pamiać ab zahinułych pratestoŭcaŭ, prynieśli ich partrety, zapalili śviečki, na drevy paviesili bieł-čyrvona-biełyja stužki. Niekalki čałaviek kruhłasutačna achoŭvajuć stychijny miemaryjał.
