Jaŭhiena Mikałajeviča vyklikali ŭ aŭtorak, 24 listapada, u adździaleńnie kryminalnaha vyšuku dla apytańnia. U jakaści kaho i ŭ ramkach jakoj spravy, nie patłumačyli. U 14:30 jon papiaredziŭ pra heta hałoŭnaha redaktara i pajšoŭ na razmovu, piša BAŽ.
Uvieś viečar suviazi z žurnalistam nie było, jaho telefon niedastupny i ranicaj.
Načalnik Pinskaha HAUS Dźmitryj Karaviakoŭski na pytańnie redaktara Śviatłany Harda ab vykliku i miescaznachodžańni Jaŭhiena Mikałajeviča skazaŭ, što ničoha nie viedaje, pakolki ŭ vytvorčaści Pinskaha HAUS znachodzicca 1800 materyjałaŭ. Jon prapanavaŭ napisać piśmovy zapyt.
Jaŭhiena Mikałajeviča, jaki aśviatlaŭ akcyi pratestu ŭ Pinsku, sudzili ŭžo dvojčy i karali sutkami za pracu na akcyi 10 žniŭnia, a taksama za znachodžańnie na płoščy 30 žniŭnia — tady jon naohuł stajaŭ u baku. Druhi termin žurnalist nie adbyvaŭ, pastanova była abskardžanaja ŭ abłasnym sudzie.
