Łaŭreat Nobieleŭskaj premii Śviatłana Aleksijevič maje namier zastavacca ŭ Hiermanii da taho času, pakul Alaksandr Łukašenka zastajecca va ŭładzie. Pra heta jana zajaviła ŭ intervju niamieckamu časopisu Der Spiegel.
Na pytańnie, jak doŭha jana maje namier prabyć u Bierlinie, Aleksijevič adkazała: «Pakul Alaksandr Łukašenka nie sydzie». «Toje, što jon robić, — heta katastrofa. Z momantu falsifikacyi vybaraŭ u žniŭni byli zatrymanyja 27 tysiač čałaviek: navukoŭcy, prafiesary, narmalnyja ludzi, rabočyja, studenty. Heta datyčycca ŭsich słajoŭ nasielnictva. Łukašenka razburaje krainu», — dadała jana.
Jana taksama raspaviała ab vynikach lačeńnia ŭ Bierlinie. «Ja pakutuju na nieŭrałhiju trajnikovaha nierva, bolevy sindrom vyjaŭlajecca na tvary. Ale ja znoŭ mahu havaryć, nierv supakoiŭsia. U mianie ŭsio dobra», — patłumačyła Aleksijevič.
