Džo Bajden vyjhraje prezidenckija vybary ŭ ZŠA. Heta stała jasna paśla taho, jak jaho adryŭ ad Trampa ŭ Piensilvanii staŭ taki, jaki Tramp užo nie nahonić.
Mierkavana, Bajden atrymaje 306 hałasoŭ u kalehii vybarščykaŭ, a Tramp — 229.
Balučaja paraza Donalda Trampa. Jon užo pačaŭ asprečvać pieramohu supiernika, heta ŭ jaho styli.
Džo Bajden — samy stary na momant abrańnia prezident u historyi ZŠA. A vice-prezidentam upieršyniu ŭ historyi stanie žančyna. U žyłach Kamały Charys ciače afrykanskaja i indyjskaja kroŭ, i heta taksama znak času — kali byłyja rasavy mienšaści vychodziać na avanscenu amierykanskaj palityki.
Bajden maje kałasalny palityčny dośvied, jon centryst, daloki ad radykalizmu libierał. Charys — taksama. Jana pryjšła ŭ palityku z prakuratury.
