Fota Nadziei Bužan
Pravaabaroncy majuć imiony tut i tut jak minimum 118 palityčnych zatrymanych za paniadziełak-piatnicu ŭ roznych haradach Biełarusi.
Takim čynam, usiaho pa stanie na viečar 6 listapada ŭ Biełarusi za čas pratestaŭ adbyłosia, jak minimum, 16 713 zatrymańniaŭ.
Ličba niapoŭnaja, bo heta tolki vypadki, zafiksavanyja pravaabaroncami. Heta samyja maštabnyja palityčnyja represii ŭ Jeŭropie za apošnija 40 hadoŭ.
Dakładnaja kolkaść palityčna matyvavanych kryminalnych spraŭ dakładna nieviadomaja. Pavodle apošnich najaŭnych źviestak, ich było kala 700.
Samaja vialikaja kolkaść padazravanych — jak minimum, 231 čałaviek — prachodzić pa niadaŭnaj kryminalnaj spravie ab nibyta «masavych biesparadkach» 1 listapada, u dzień pamiaci prodkaŭ Dziady.
Ahulnaja kolkaść fihurantaŭ kryminalnych spraŭ dasiahnie, imavierna, niekalkich tysiač tysiač.
Čytajcie taksama: Zaviali kryminalnuju spravu na baćku i syna, jakija schavalisia ŭ šviedskim pasolstvie
U turmach zastajucca lidary apazicyi i asnoŭnyja kankurenty Alaksandra Łukašenki: Viktar Babaryka, Siarhiej Cichanoŭski, Mikałaj Statkievič, Pavieł Sieviaryniec, Maryja Kaleśnikava, Maksim Znak.
Kali Babaryku abvinavacili ŭ ekanamičnych złačynstvach — pry hetym Łukašenka pryznaŭ jaho palityčny status, pravioŭšy ź im siarod inšych palitviaźniaŭ sustreču ŭ SIZA KDB, — to niekatorych inšych «padazrajuć» prosta ŭ padrychtoŭcy dziejańniaŭ, što parušajuć hramadski paradak. Hetaje abvinavačvańnie nastolki šyrokaje, što jaho možna ŭžyć da luboha praciŭnika isnujučaha režymu.
Čytajcie taksama: Palčysu aficyjna vystavili abvinavačvańnie: arhanizacyja masavych biesparadkaŭ
Viadoma taksama pra nie mienš jak 142 studentaŭ, jakija byli adličanyja abo jakim pahražaje adličeńnie va ŭniviersitetach roznych haradoŭ krainy ad Miedycynskaha da Breskaha techničnaha.
Što da zvolnienych bastujučych, to ich dziasiatki ŭ roznych haradach.
Na tydni stała viadoma pra zvalnieńnie 25 bastujučych na Minskim elektratechničnym zavodzie na čale ź viadučym inžynieram i dvuch artystaŭ u Hrodnie.
Čytajcie taksama: U Žłobinie na čatyroch supracoŭnikaŭ BMZ, jakija zładzili strajk, zaviali kryminalnuju spravu. Im pahražaje da troch hadoŭ turmy
Siarod zatrymanych za paniadziełak-piatnicu — akciorka Dramatyčnaha teatra armii Alesia Kłačko; vialikaja hrupa miedykaŭ u Minsku: Volha Stefanovič, Rusłan Jakuboŭski, Stanisłaŭ Sałaviej, Źmicier i Iryna Markiełavy, Jaŭhien Majski, Leanid Hłazkin, Valeryja Cimašenka, Rusłan Badamšyn, Dźmitryj Palij; žurnalisty.
Siłaviki ciapier atakujuć nie tolki demanstracyi ci schody, ale sprabujuć padavić lubyja publičnyja vykazvańni palityčnaj pazicyi ci salidarnaści. Tak, 2 listapada ŭ Minsku pa darozie na pracu byŭ zatrymany Arciom Karatkievič, jaki, pavodle źviestak pravaabaroncaŭ, pakazaŭ dyzłajk kartežu Łukašenki na praśpiekcie Pieramožcaŭ.
A 5 listapada była zatrymanaja vialikaja hrupa ludziej, jakaja sabrałasia ŭ dvary doma Niny Bahinskaj, dzie adbyvaŭsia pieratrus.
Aktyŭnuju rolu ŭ zatrymańniach adyhryvajuć supracoŭniki HUBAZiKa MUS, choć pratesty suprać falsifikacyj i parušeńniaŭ zakonnaści nie adnosiacca ni da arhanizavanaj złačynnaści, ni da karupcyi.
Čytajcie taksama: Zatrymali jašče adnaho administratara Telegram-kanała «Kiroŭcy 97»
Na minułym tydni viečarami siłaviki palavali na muzykaŭ, jakija vystupajuć u dvarach mikrarajonaŭ. Siarod zatrymanych ich nie mienš za dva dziasiatki.
Byli zatrymanyja i dźvie žančyny-dyryžory charoŭ, Halina Kazimiroŭskaja i Taćciana Hałuza, a taksama dva artysty Fiłarmonii: artyst kamiernaha choru Dzianis Ivanoŭ i vijałančelist Alaksandr Sierdziukoŭ.
Represii vyklikajuć nie tolki asabistuju, ale i kalektyŭnuju reakcyju. Na hetym tydni stała viadoma pra zvaroty pratestu artystaŭ Vialikaha teatra, Biełaruskaha dziaržaŭnaha ekanamičnaha ŭniviersiteta, Biełaruskaj dziaržaŭnaj akademii mastactvaŭ, Biełaruskaha dziaržaŭnaha miedycynskaha ŭniviersiteta.
Ahułam za čas pratestaŭ nie mienš za 4 demanstranty zahinuli abo byli znojdzienyja miortvymi, nie mienš za 1400 čałaviek źviarnulisia pa miedycynskuju dapamohu. Kolkaść represavanych nabližajecca da 20 tysiač.
Pratesty 2020 hoda majuć histaryčnaje značeńnie dla Biełarusi, a na dumku niekatorych ekśpiertaŭ — i dla budučyni jeŭrapiejskaha kantynienta ŭ cełym.
