Uładalnicy bara «Pieraśmiešnik» Volzie Mazur, jakaja była zatrymanaja 3 listapada pa artykule 23.34 KaAP, dali štraf u 25 bazavych vieličyń (675 rubloŭ). Jana pakidaje Akreścina, piša Tut.by.
Fota Vadzima Zamiroŭskaha
Žančynu sudzili za ŭdzieł u akcyi pratestu 6 vieraśnia. Joj prysudzili štraf 25 bazavych vieličyń, jana vyjdzie na volu z Akreścina, paviedamiŭ advakat Volhi Dźmitryj Łazavik.
Źmiakčalnaj akaličnaściu dla vyniasieńnia takoha prysudu stała toje, što ŭ Volhi niepaŭnaletniaje dzicia. Mienavita tamu jaje nie pakarali aryštam, udakładniaje advakat. Nastroj u Volhi bajavy, dadaje jon.
Volha Mazur — viadomy minski restaratar. Na dadzieny momant jana vałodaje baram «Pieraśmiešnik». Była saŭładalnicaj prajektaŭ «Vinnaja šafa» (ciapier začynieny) i Ayahuasca, mieła dačynieńnie da zapusku IZI Bar.